إنتقد الممثل وسام حنا قرار النقابات الفنية بمقاطعة الممثل باتريك مبارك، على خلفية تصريحاته الأخيرة المثيرة للجدل، مشيراً الى أنه كان ينتظر من النقابات أن تتوحّد في الدفاع عن حقوق الممثلين اللبنانيين الشباب ورفض تهميشهم، بدلاً من التوحّد في وجه الضعيف بحسب قوله، مؤكداً أنه يدافع عن مبارك لأنه يعرف الوضع الصعب الذي يعيش فيه، على الرغم من أن ما قاله معيب وكارثي.
وكتب حنا في صفحته الخاصة على أحد مواقع التواصل الإجتماعي: "لقالو باتريك معيب وكارثي . بس كلنا منعرف بالوسط انو الو فترة طويلة بعاني من اضطراب ذهني و عايش على الادوية و عم يتعالج و عم يحاول يرجع يشتغل ويكفي مسيرة الحياة بصعوبة. فكنت بتمنى قبل ما النقابات تقطعلوا رزقو تشوف كيف بدا تساعدو لأنو الكل بيعرف وضعو الذهني".
وأضاف: "انا اشتغلت معو وعم دافع عنو لأنو بعرف وضعو الذهني و الأدوية لعم ياخدها . و كيف بيتصرف بامور ما بيوعى انو عملا . صحيح هوي غلط بس كنت بتمنى من الصحافية تقدر وضعو . هوي غلط مضبوط بس قبل ما نصلبوا نشوف كيف بدنا نساعدو".
وتابع حنا: "بدل ما شوف موقف تاريخي موحد من النقابات بخصوص تهميش الممثل اللبناني الشاب بالفترة الأخيرة . شفنا اليوم بموقف موحد وتاريخي بقطع رزق ممثل مريض وضعيف . دخلكن شو دور النقابات ؟ حماية حقوق الممثل النجم ؟ ما هني مش بعازتكن . النقابات نوجدت لحماية الضعيف . شي ببكي".
