وجه الممثل اللبناني غابريال يمين رسالة لإبنه الذي يخضع لإمتحانات الشهادة الرسمية المتوسطة اليوم، حيث علّق يمين على موضوع الكاميرات التي تم استحداثها هذا العام لمراقبة الطلاب داخل الصفوف.
يمين كتب لإبنه عبر حسابه الخاص على أحد مواقع التواصل الإجتماعي:
"اليوم رايح ابني عالبريفيه ...
تذكر يا ابني اليوم انو البريفيه منها إلا شقفة كاميرا ، ما تخاف منها ، اسألني إلي ، اعتبرها مش موجودة وكفّي تمثيل ... وإذا نسيت النص حطّ عينك بعين الكاميرا وقول للي بدك ياه... هيك بينبسطوا منك المشاهدين والمعلمة والمدير والمعلّم الكبير وإمك وانا ، بس ما بدي ياك تنبسط بالكاميرا ويطلع عبالك تعمل مسلسل تاني السنة الجاية ...
قول كتر خير الله وتذكر انو في ولاد من عمرك ما رح يصرلهن يقدموا البريفيه لأنو ما معهن بطاقة ومش مجنّسين تربوياً .
موفق يا بيي و انشالله نشوف اسمك بالجنريك تبع الناجحين".
