بعد هجوم بعض المتابعين عليه وقولهم انه لا يحظى بموهبة أبيه، ردّ الممثل محمد عادل إمام على حسابه الخاص قائلا: "شيء مش سهل إن الواحد يثبت نفسه في نفس مجال أبوه.
. خصوصا لو الأب مش بس ناجح لا ده كمان عدى مرحلة النجاح ووصل لمكانة ما حدش غيرُه وصلها".
وأضاف محمد: "اتهاجمت كتير واتحاربت أكتر.. بس عمري ما ركزت مع أي هجوم أو إحباط.. كان كل حياتي وتركيزي في شغلي.. مجهود كبير في سنين كتير علشان أثبت نفسي في شغلانة بحبها من كل قلبي.. بس جمهورها مش بيرحم وصعب جدًا ابن فنان ينجح فيها.. لحد ما انتوا اللي خليتوا أفلامي من أعلى الإيرادات ومسلسلاتي من أعلى المشاهدات".
وتابع: "شكرًا لكل اللي وقف جنبي وشجعني.. أنتوا السبب بعد فضل ربنا سبحانه وتعالى اني أمضي عقد بأعلى أجر في مصر.. وشكرًا لكل اللي حاربوني.. إنتوا خلتوني أقوى بكتير، فاخلوا بقى موضوع الزعيم على جنب وخلونا نشوف أكل عيشنا".
