سجل الفنان زياد برجي عتبا على المقربين منه من أهل الفن الذين تجاهلوا فوزه بجائزة افضل فنان لبناني في الموركس دور، فعلى ما يبدو ان النجاح قد يزعج البعض وقد يقدر الغريب نجاح الآخر أكثر من القريب. وعلق زياد قائلا:
"بقولوا احلى شي بالحياة النجاح.. بس الأحلى منو.. يكون في مختصين يقدروا مجهودك ويكرموا نجاحك... يكون في "ناجحين" يشيدوا بشغلك ويهنّوك.. يكون في جمهور يصوت لصالحك وتكتشف انو هالجمهور عنجد بحبك وعم يدعمك وتعتبر حالك فشيتلو خلقوا وطلعت عا قد المحبة.. حلو يكون في محبين يباركولك... حلوة فرحة النجاح من بعد تعب وجهد سنين..حلو تاخد جايزة تقول فيا لحالك ولعيلتك انو وفيت الوعد الاخدتو عحالك... كتير حلو تقدير النجاح لأنو هيدا انتصار على الذات قبل أي شي تاني.. حبيت السنة تكون مختلفة وكل شي فيا يكون إيجابي.. حلو بنجاحك تحس انو ربنا راضي عنك... حلو تلاقي الغريب قبل القريب عم يقلك "بتستاهل"..بس متل متعودين على صراحتي .. ما في ما قول انو مش حلو.. تجيك المبروك من "أهل الفن" البعاد عنك وما تسمعها من القراب منك... اكيد باستثناء البعض يلي ما بينعدوا عا أصابع اليد.. على كل حال ما رح خلي الهالشي ينغص علي فرحتي... وبشكر جمهوري الحبيب الأول والأخير يلي دايما داعمني وواقف بظهري.. يلي ما بنطّر الا علامته وانشالله ضل عند حسن ظنوا..".