أعلنت الفنانة المصرية شذى انها تعرضت للسرقة خلال سفرها على خطوط مصر للطيران.
وكتبت شذى على صفحتها على أحد مواقع التواصل الإجتماعي :"هو برضوا مش فاهمة يعني ايه الشنطة تتقلب وتتسرق بعد check-in يعني وهي في عهدة وتحت مسؤولية مصر للطيران واكتشف الموضوع وانا باخد الشنطة من على السير اول لما وصلت ".
وأضافت: "ازاي ده يحصل و نا المفروض مسافرة على خطوط جوية محترمة ومبحبش أسافر غير على طيران بلدي علشان بحس ان دي أقل حاجة تتعمل مننا ان احنا ندعم بلدنا واي حاجه تحت إسم بلدنا ولإن ده واجب علينا بس الواجب برضوا ان حقي ميضعش وان الموضوع مينمش
وافضل أدور على حقي اسابيع و شهور ".
وتابعت: "وعلشان اصلا كمان التذكرة سعرها يعتبر من أغلى أسعار التذاكر اللي بتكون موجودة مقارنة بالخطوط الجوية التانية يعني لازم قدام ده تكون الخدمه اللي بتتقدم خدمه محترمه و فيها نوع من أنواع التقدير علشان دي حاجه بجد تحرق الدم ومستفزة جدا وأنا عملت محضر بسرقة حاجاتي ومستنيه حاجاتي او تعويض عنها علشان الحقيقة بجد دي حاجة تحرق الدم جدا".
