كشفت الإعلامية المصرية رضوى الشربيني عن علاقة غير مباشرة للفنانة المصرية شيرين عبد الوهاب بإتخاذها قرار الطلاق.
وقالت في مقابلة تلفزيونية:" دخلت عشان آخد شاور ودائمًا أنا بشغل أغاني وجت أغنية للفنانة المصرية شيرين (هتعمل إيه لو بصيت في المرايا) فأنا بسمع الجملة وأنا واقفة قدام مراية الحمام اعتقدت أنها بتغنيهالي أو بتغنيها عليا".
وأضافت:" أطول فترة شاور خدتها في حياتي كانت ساعتين وربع.. وقعدت كده وكان شريط حياتي بينعاد قدامي.. وبعد ما خلصت سألت نفسي وبعدين هتعرفي تكملي كده بقيت حياتك كلها.. فخرجت صليت استخارة.. تاني يوم قولتله طلقني".
وبعد إنفصالها قالت:" تعبت وكنت مخبوطة على دماغي 3 شهور.. بعدها بدأت أبيع حجات عندي عشان بناتي.. وماما ربنا يخليها كانت بتساعدني".
وختمت بالقول:" لغاية لما بدأت أخبط على الأبواب بس تقفلت في وشي.. لحد ما ربنا شاء واشتغلت في النهاية وحققت النجاح اللي أنا فيه دلوقتي".
