لاتزال الممثلة السورية دينا هارون قابعة في غرفة العناية المشددة في احدى المستشفيات في سوريا، في وقت لا تزال الشائعات تنتشر عن حقيقة مرضها، ما دفع شقيقتها الممثلة تولاي هارون لتخرج عن صمتها وتوضح حقيقة المرض، حيث نشرت تولاي صورة لشقيقتها عبر حسابها الخاص على أحد مواقع التواصل الإجتماعي، وكتبت:
"بعد ماشفت كتير مواقع منزلة عن دينا إنو هي بغيبوبة، حابة وضحلكن وقلكن دينا مانها بغيبوبة دينا بالعناية لأسباب تنفسية بصدرها ومشكلة بالأمعاء".
"واللي قاهرني إنو في إشاعة عم تقول إنو عندها سرطان بالمعدة هاد الكلام موصح أبداً أبداً والله لايسامح كل مين عم يروج إشاعات عنها انشالله دينا رح ترجعلنا وتنور حياتنا ورح ترجع الفرح لبيتها ولابنها ولخلدون ولماما وبابا وإخواتي".
"دينا ياعمري كلنا منحبك وناطرينك. ياروح روحي ياقلبي انت. الله معك ورح يضل معك وانشالله أزمة ورح تمر على خير.إنتو بس ادعولها بالشفاء وسامحوني إني ماعم رد كتير عليكن لأنو بكون معها بالعناية وشكراً لكل حدا زارها ماقصرتوا وآسفة إذا قصرت بحق حدا".
كما عادت تولاي ونشرت صورة لها مع شقيقتها وكتبت :"حابة طمنكن دندونة اليوم بخير والف الحمدلله ادعولها بس".
