منافسة قوية تشهدها السينما المصرية خلال موسم عيد الأضحى المبارك الحالي والذي يعرض فيه عدد من الأفلام أبرزها "الديزل" بطولة الممثل المصري محمد رمضان و"البدلة" بطولة الفنان المصري تامر حسني.
إلا ان المنافسة لم تقتصر على شباك التذاكر، بل تعدتها إلى التصاريح المتبادلة بين الطرفين، بسبب إصرار كل منهما على تصدر فيلمه قائمة الأفلام الأكثر رواجا.
فبعد أن إتهم رمضان منتج فيلم "البدلة" وليد منصور بأنه يزيّف إيرادات فيلمه وذلك من خلال بيان صحفي أصدره شقيقه ومدير أعماله، ردّ الأخير عليه بطريقة قاسية حيث كتب عبر صفحته الخاصة على أحد مواقع التواصل الإجتماعي قائلاً :"رسالة موجهة مني المنتج وليد منصور إلى شخص مجنون يدعى محمد مرضان وصلني انك بتبعت رسائل من تليفونك الشخصي تتهمني فيها بتغير ارقام الإيرادات .مكنش نفسي أرد على شخص زيك رمز للإسفاف علشان مخرج العمل ومنتجه أصدقاء محترمين بس انت زودتها قوي يا حماده . اولاً انت اسمك لازم كل مصر تغيره ل محمد مرضان لإنك بتفكرني بالمجانين اللي ماشين في الشارع ومش عايزين يصدقوا انهم مجانين فإرتاح يا حماده محدش عاقل هيصدقك عمرك ما كنت رقم ١ في الإيراد".
وأضاف :"عمرك ما كنت احد نجوم الصف الاول وانت عارف ان السبب ان فنك هابط يامرضان وملامحك للأسف متعرفش تعمل غير دور المدمن او البلطجي او ارهابي او حرامي انا كان نفسي متكلمش عنك لإنك أصلاً بالنسبالي وبالنسبه لكل الشعب الراقي المحترم اكذوبه وانت عارف كويس ان أفلامك طول عمرها بتفشل قدام النجوم المحترمه زي السقا وعز وتامر وأستاذ عادل امام نصيحه يا مرضان روح أتمرن تمثيل بدال مانت أداءك واحد في كل أدوارك يابني انت طبعاً انت هتموت عشان مش عارف تشتري ڤيوز زي أغانيك الهابطه فمفضوح اوي قدام الغلابه اللي مصدقينك اللي بينقرضوا واحد ورا التاني يا ولا ...".
وختم بالقول :"قسماً بالله لو لقيتك بتهرتل على اي حد تاني هيكون ردي اعنف من كده واصلاً انا لسه مخلصتش ردي انت هتموت من الغيظ عشان البدله علم عليك ولسه هنعلم اكتر وانت عارف هتتمسخر ازاي الفتره اللي جايه زي مااتمسخرت فكل أفلامك اللي فاتت".
