وجه الممثل اللبناني ميشال أبو سليمان رسالة للمغتربين اللبنانيين في كل العالم، طالباً مساندتهم بالتوجه الى محكمة العدل الدولية ومجلس الأمن الدولي لمحاكمة الفاسدين في لبنان، حيث انتشر لـ "أبو سليمان" تسجيل صوتي جاء فيه :
"دعوة لكل المغتربين اللبنانيين بكل العالم
دعوة إنسانية .
. دعوة لنرفع دعوى على كل المسؤولين اللي سرقوا الشعب وياللي سرقوا الدولة.. مش مزح ولا لعب بكل جدية لازم تاخدوا هالموضوع بعين الاعتبار .. عن جد ما بقى فينا نتحمل لا نحنا ولا ولادنا ولا ولاد ولادنا.. . يمكن نحنا تحملنا شوي بس مش مستعدين ولادنا يتحملوا.. هلق من شوي ابني الصغير عم بقللي بابا انا مش باقي بهالبلد بدي فل.. ما في مستقبل بهالبلد.
بترجاكم كل المغتربين بكل العالم بدنا نحضر حالنا لدعوى كبيرة نقدمها لمجلس الأمن الدولي ولمحكمة لاهاي ولكل اللي بيتخصصوا انو يقدروا يقبعوهم ويكمشوهم ويرجعوا المصريات. مصريات الشعب ومصريات الدولة.. في ناس سرقت بلا ذكر أسماء لأن بيروحوني بلحظة وبيناموا ع مخداتهم مرتاحين، في ناس سرقت علناً وبعدها بتطلع على التلفزيون وبتحكي بكل وقاحة.
بترجاكم انا ميشال ابو سليمان تجمعوا بعضكم كل المغتربين اللبنانيين بالعالم وترفعوا دعوى .. دعوى واحدة".
