بعد الهجوم الذي تعرض له الداعية معز مسعود والممثلة شيري عادل بعد إعلانهما زواجهما، خرج المخرج المصري مجدي الهواري عن صمته وهاجم المنتقدين عبر حسابه الخاص على احد مواقع التواصل الاجتماعي.
ونشر زوج الممثلة غادة عادل صورة للثنائي وعلق عليها قائلا: "يا جماعة ليه الهري في موضوع جواز معز مسعود وشيري عادل"، دول اتجوزوا على سنة الله ورسوله يعني مأذون وشهود ومهر وشبكة .. عيب بقى".
واضاف: "وبعدين إحنا ليه بنشوف نص الكوب.. مش يمكن قصة حب، ولا هو علشان بيقول قال الله وقال الرسول مش من حقه يحب.. ولا هي علشان ممثلة تبقى حرام تتجوز".
وتابع: "أنا شخصيا بتابعه وشايف انه راجل متوازن جدًا وغير مدعي زي غيره، وكل تصرفاته في النور ، كان ممكن يتجوزها في السر علي فكرة زي كتير منهم وعادي، كونهم أعلنوا في حد ذاته هو احترام لينا و للرأي العام .. انا بتكلم دفاعًا عنهم بنيابة عن اهلهم اللي مش حلو يقروا اللي بيتكتب عن ولادهم ده عيب .. فنقول مبروك للعروسين وبالتوفيق وحياة سعيدة ان شاء الله".
