اعربت الفنانة السورية أصالة عن حزنها، من خلال قصتين روتهما عبر حسابها الخاص على احد مواقع التواصل الاجتماعي.
وكتبت أصالة قائلة: "مسا الخير... بدّي أحكي لكم حكايتين صاروا معي مبارح واليوم كتير مستغربتهم !!! فيه ملحّن سوري أنا حابّه شغله ، وقلت بلكي بسمع منّه شي، فا قال الأستاذ( هي فرصه كبيره ، إنَّما أنا بخاف أتعامل مع أصاله !) ، قالوله الوسطاء (وهي من عندهم) طب ماينزل إسمك على العمل ، قال (بخاف ينعرف)".
واضافت: "والقصّة التانيه... فيه ناس كمان سوريّين، اهتمّوا بولادي وبعرف إنّهم اهتمّوا مشاني، شكرتهم وقلت دلّعهم زياده وأعملّ لهم بوست عالأنستغرام، بس قلت خلّيني أسألهم أوّل.. الست تقريباً صارت تبكي وتترجّاتي مافكّر بالموضوع (مو تواضع!! بل خايفه من أهلها الّلي بالشام يقاطعوها) ،معقول؟!".
وتابعت أصالة بالقول :"عادة بفكّر زيليون مرّه قبل ماأنشر أيّ موضوع ، حتّى لو سخيف، إنّما هالمرّه مو قادره ماعبّر وقول ، أنا عن جدّ زعلانه ، ومن قلبي زعلانه، معقول المواضيع هالقدّ بتمشي بالعكس!؟ ( إستغراب فسؤال)".
