توجّهت الممثلة لقاء الخميسي برسالة حب وغزل لزوجها اللاعب الرياضي محمد عبد المنصف، وذلك عبر حسابها الخاص على احد مواقع التواصل الاجتماعي.
وكتبت قائلة:" راجل في الحياة.. راجل مع أهلك وصحابك ومع الغريب كمان.."راجل في الملاعب في الزمالك في الجونة، في انبي وفِي وادي دجلة لعبت وتألقت، اتحاربت من زمايل ومدربين وجمهور وماردتش وتجاهلت وفضلت راجل شجاع بتحب شغلك وتديله من قلبك.. كملت ودافعت وكسبت او خسرت بتعمل اللي عليك ومكمل راجل.
وتابعت الخميسي: "مالكش توجهات ضد حد وبتحترم الجميع وملتزم ومتربي في زمن المتربين فيه قليلين.. توجهاتك هي تركيزك وحبك لشغلك وإصرارك.. ولا يهمك جاحد ولا يهمك كاره ولايهمك متملق ولا يهمك كارهي النجاح لأنهم ناقصين ومعندهمش ثقة ف نفسهم واللعبة عمرها ماهاتفضل ف ايديهم.. الدنيا دوراة وعلى المريض الكاره للنجاح وفاكر ان الدنيا من غيره هاتقف هاتدور عليه وتردله الشر بالشر".
وختمت قائلة: "كمل زي مانت الكوره هاتفضل في ايدك لحد ماتختار انت تسيبها والملعب بتاعك ومش هاتخرج منه غير يإرادتك. بحبك".
