اثارت اسماء منير ابنة الممثل المصري شريف منير، الجدل حول انفصالها عن خطيبها الفنان محمود حجازي، فخرجت من جديد لتتكلم عن الأمر، وذلك عبر حسابها الخاص على احد مواقع التواصل الاجتماعي، حيث قالت :"طيب الموضوع اتقال فيه كلام كتير، وأنا بعترف إني سبب اللخبطة دي، الرجالة مبتعملش الحاجات اللي إحنا كستات بنعملها، اللي هو أزعل انزل بوست ألقح بيه عليه، قال يعني مش ليه وكل الرجالة بتكره الحركة دي، وأنا بس دلوقتي بعترف إنهم عندهم حق، غير بقى إني بنسى موضوع الأخبار ده، في التلقيح أو كلام الزعل بالنسبة لي ينتشر، وكل حد بيقول رأيه بكل قسوة".
واضافت: "الموضوع فعلًا في الآخر اتنين حبوا بعض وارتبطوا قدام الناس كلها، ومشينا في مشوار خطوبتنا زي أي اتنين، كبرنا مع بعض وبِينَا حاجات كتير حلوة، وبرضه زي أي اتنين حصل بينهم مشكلات وطبعًا انتوا عارفين التسرع الله يخرب بيته فلما كان في عدم اتفاق من فترة نزلت بوست ومسحته على طول عشان كان وقت عصبية وكان لسه في أمل بس من ساعتها وفي توتر.
الناس قالت كلام كتير وحش وكملنا واكتشفنا انه في عدم اتفاق مش عشان ان حد وحش ولا موقف ولا حاجة لحد ما أخدنا القرار بس مكناش اتفقنا على إعلان ده إمتى فأنا نزلت وأعلنت ده بس في توقيت غلط مني بكل صراحة انا لازم أكون أمينة في ده".
وختمت اسماء قائلة: "عمومًا هو محصلش نصيب بس احنا بنحترم بعض، حجازي انسان محترم جدًا وبتمنى له السعادة والنجاح احنا بِنَا عشرة طيبة ونجاحات وحب وأكيد خير لينا، هو ده الموضوع بكل بساطة، ممكن بقي منتكلمش فيه تاني لو سمحتوا، انا اتعلمت درس كبير إن الخصوصيات مش للنشر والحسد برضه مذكور في القرآن لسبب، الحمد لله بس كدة".
