ينتظر الجمهور اللبناني والعربي الحدث الفني الأهم اليوم وهو وصول الفيلم اللبناني "القضية رقم 23"، للمخرج زياد دويري الى جوائز الاوسكار حيث يتواجد حاليا الممثل عادل كرم وفريق العمل في هوليوود للمشاركة في فعاليات المهرجان العالمي.
وقد غرد كرم :"من مطرح ما نحنا، بهوليوود قبل حفل الأوسكار بساعات، الأمل موجود وكبير بس شو ما كانت النتيجة قلبنا قد الدني من شو عم نسمع ونشوف هون. العالم كلو عم بيحكي بلبنان، صلّولنا وقولوا الله ".
وبطبيعة الحال تفاعل معه عدد كبير من الجمهور ومن الفنانين والممثلين فقد كان الممثل يوسف الخال قد غرد : " مجرّد الترشّح يعني وصول.. فشّيتوا خلق كل الممثلين و صنّاع هالمهنة و الأحلى من هيك رجع انوجد الأمل إنو هالشغف يصير مهنة. انشالله ترجعوا سالمين و ربحانين. ليرد عادل: "شكرا يوسف عقبالك قريبا".
وغرد الممثل طوني عيسى :"كل التوفيق يا صديقي والعدرا معكن ".
وبدورها تمنت الممثلة باميلا الكيك كل التوفيق لفريق العمل.
من موقع الفن، نتمنى كل التوفيق لزياد دويري وعادل كرم وكل فريق العمل على امل ان يحصل الفيلم اللبناني على الجائزة .
