بعد تحفظها عن ذكر أسباب دخولها المستشفى، ها هي الممثلة المصرية ميرهان حسين تخرج عن صمتها لتعود وتطمئن جمهورها على حالتها الصحية من خلال توجيه رسالة لهم يوم عيد الحب، وذلك عبر صفحتها الخاصة على أحد مواقع التواصل الاجتماعي.
ميرهان كتبت رسالة لمتابعيها وقالت:" الفترة اللي فاتت كانت فترة صعبة في حياتي لكن في نفس الوقت كانت أكتر فترة حسيت فيها بالحب .. حب حقيقي وعرفت ان ربنا اداني نعمة كبيرة أوي و اداني اكبر حب في الدنيا".
وتابعت: "عيلتي واهلي والناس اللي عبرولي عن حبهم و خوفهم عليا بأفعال و تعب مش بكلام بس.. الحب اللي حسيته من قلب ممرضة كاتبالي أدعية ورقية بخط اديها مش عشان شغلها لأ عشان بتحبني.. الحب اللي حسيته في كل كلمة وصلتني منكم وكل محاولة حاولتو تكون جنبي بيها .. اهلي ثم اهلي ثم اهلي .. ربنا مايحرمني منكم.. أبويا وامي واخواتي.. انتو الحب".
