أصبحت ظاهرة تداول بعض التذاكر المزورة لحفلات يستعد لإحيائها الفنانون منتشرة بكثرة، وهذا ما حذر منه جمهور الفنان المصري عمرو دياب قبل حفله المقرر إحياؤه بعد ثلاثة أيام في القاهرة.
وتجنباً للتعرض للنصب والإحتيال كتب أحد المتابعين عبر إحدى الصفحات التي تضم عددا كبيرا من محبي دياب قائلاً:" تحذير للمرة المليون محدش يشترى تذاكر الحفله من أشخاص ميعرفهاش تحت اى مسمى أو سبب مش علشان توفر خمسين أو ميه جنيه تلبس الفلوس كلها، فى تذاكر مضروبه فى السوق حاليا كتير واليومين الجايين لما تخلص النصب هيزيد، التيكت اشتريها من تيكت مارشيه أو من شخص ثقه صديق مقرب لك ولازم يكون هيحضر الحفله معاك أو تأخده وتروح فرع الشركه فى مدينه نصر تتأكد منها وتدفع فلوسك ف الشركه وتسجلها ببياناتك".
وأضاف :"صعب تميز المضروبه من السليمه بعنيك، انا بحذر اهو وممنوع حد يتاجر بتذاكر جوه الجروب نهائيا، متضيعش فلوسك ووقتك وف الاخر متعرفش تدخل، وال مش عارف يجيب التيكت يكلمنى انبوكس أو اى حد من الادمنز وهيعرفه اماكنها، لسه واحد صحبى من ساعه شارى تذكره مضروبه وعرف بالصدفه وهو مروح دخل فرع تيكت مارشيه يتاكد منها طلعت مضروبه، علشان يوفر خمسين جنيه ضاع منه 300".
