علّقت الممثلة السورية تولين البكري على قرار المخرج السوري سيف الدين سبيعي بإعتزال الفن، والذي أثار ضجة كبيرة بين الجمهور والوسط الفني والإعلامي.
ونشرت البكري عبر صفحتها الخاصة على أحد مواقع التواصل الإجتماعي رسالة نارية قالت فيها:" أنا معك بأنك تاخد وقفة محارب قَرر يرتاح ليبدأ من جديد بمعطيات أفضل، وأنا كمان فكرت كتير بالاعتزال بظل هالظروف الغلط يلي مابدي فوت بتفاصيلها، المهنة صارت بهالبلد زبالة".
وأضافت:" بس ماعندي حل تاني حالياً! وأول ما أقدر أمن لقمة عيش من غير هالمهنة رح اتركها بغير أسف لأنها دارت ضهرا للناس يلي بتحبها وبتستحقها ولحقت الرخص بكل شي متل ما كتير مواهب من خريجين وأكاديميين ونجوم قاعدين بالبيت من سنين، وغيرهم من الفقاعات عم يشتغلوا بس مو ليقدموا فن، ليقدموا كل شي إلا الفن. وهاد الحكي ما بيشمل الكل، بس المنيح ما بيخبي حالو متل السيء كمان واضح للعيان. وإذا أنت وغيرك من الفنانين الحقيقيين قرروا يعتزلوا لمين تركتو الساحة"؟
وختمت بالقول:" هاد واقع ماعاد يتخبى، ولكن! الفن الحقيقي بحاجة لموهوبين حقيقيين متلك، مو بالضرورة كون من التيْم تبعك لأمدحك. أنا مع الصح بكل الأحوال وبحب شغلك متل كتير ناس وانت من الناس يلي قدموا فن حقيقي بهالبلد ترفع له القبعة".
يشار إلى أن البكري ليست الوحيدة من بين الفنانين الذين علقوا على قرار سبيعي هذا، بل سبقها عدد آخر منهم الممثلة أمل عرفة، الفنانة سارة فرح وغيرهما.
