على طريقتها الخاصّة، عايدت المُمثلة سهى قيقانو الكاتبة كريستين بطرس، لمُناسبة عيد ميلادها.
ومن خلال حسابها الخاص، على أحد مواقع التواصل الإجتماعي نشرت قيقانو صورةً تجمعُها بـِ بطرس خلال تصوير مُسلسل زوجتي أنا الذي عُرض خلال شهر رمضان المُنصرم.
وذيّلت قيقانو الصورة، بتعليقٍ جاء فيه:" نزل ياجميل على الساحة وتمختر كدا بالراحة عيد ميلاد سعيد لازغر كاتبة دراما بالوطن العربي كاتبة مسلسل زوجتي انا على مدار مئة حلقة ....اتفقنا....تناقشنا كتير ..... تعبنا كتير.... وحصدنا كتير . زعلنا كتير انبسطنا كتير ....والنجاح كان عنوانا بالجزئين لمسلسل زوجتي انا ... رسمتي شخصية مهى ام تارا وعطيتا من قلبك وروحك وتفكيرك وسهرك بالليالي وخليتي هل الست تكون محور القصة ورسمتيلا شخصية ما يتشبه شي بالدني بغراما ومعاناتا وتضحياتا وانا بدوري وصلتلك الامانة لاخر نفس.... انا دايمان بقول نص قيد الكتابة برفضو رفضا قاطعا بس معك بوافق على العمياني لانك سلطانة الحق وبتشبهيني كتير وموقفك موقف وصريحة وصادقة.... بتعرفي قيمة تاريخ الممثل.... ذكية الى ابعد حدود... مشاغبة... مبدعة بقصصك المشوقة واحداثا واهم شي بتنقليلنا حالات مجتمعنا متل ما هيي هل الرسالة كان بدي وجهلك ياها باخر حلقة واخر يوم رمضان وقلك مبروك بس تركتا للوقت المناسب".
وتابعت:"كل لي بعرفو كتير اجا راسي على راسك وبحبك كتير وانا كاتبتلك مستقبل مخيف بالنجاح المبهر... والى الامام سر واكيد اعمال رح تجمعنا بعد وبعد لانو اتفقنا دراميا وشخصيا وبقوة..... ربي والهي لا شيئ يفرقنا".
على الفور، ردّت بطرس على مُعايدة قيقانو، قائلةً: ختام المعايدات مسك معك ... ميرسي عالحكي الحلو وانتي بتعرفي معزتك عندي وفعلاً اللي ما بيعرفك بيجهلك لأنك صاحبة حق ومعدنك صار عملة نادرة بهالإيام !!".
وأجابتها قيقانو:"حبيبة قلبي لطالما حلمت بصديقة بتشبهني بمهنتنا واكيد ما لقيت لحين التقيت بك".
