يدخل الفنان جورج نعمة هذا الأحد القفص الذهبي حيث يحتفل بزواجه من خطيبته جويل مقصود بعد قصة حب استمرت سنوات.
من جهتها قامت شقيقة جورج منال بتهنئته بطريقة مؤثرة قائلة: "بيقولوا يلّي عاش بهالدني بدون ما يتعرّف على شعور محبّة الأخت لخيّها، والخي لأخته بيكون خسر شي كتير بهالدني ..
أنا بقلّك إنّو بالنسبة لإلي ،إنت دنيتي .
لمّا خلقت إنت ،فرحت كتير إنّو صار عندي خي جديد، والكلمات ما فيها تعبّر عن شعوري بهاك اللحظة ،بس فيي قلّك إنّو ملكت الدني لما شفتك ،وكل ما كنّا نكبر، كنت إكتشف أكتر وأكتر قديش حياتي أخدت معنى أحلى بوجودك ،وقدّيش كنت كل يوم بعد يوم تزيد حلى على دنيتي،وحسيت إنو صرت أقوى، لأنو إخوتي هنّي قوتي..
وبعدك لهلق كل يوم بشوفك بشكر الله على وجودك وبفتخر بالانسان يلّي صرتو ،ويلي قطف من هالدني كل الصفات الحلوة..
هلّق رح إحملك بصلاتي يا خيي وصديقي ،قوتي وأملي جورج ،وقلّك الله يبارك زواجك ويقدس عيلتك لجديدة..
بطلب من الله يكون الخير بحياتك ، يبارك أعمالك وخطواتك إنت وشريكة حياتك جويل يلّي صارت بدورا إخت إليّ ..
راح قلّك شغلي أخيرة:أجمل شي بهالدّني إِنَّكَ خيي".
من موقع الفن نتمنى للفنان جورج نعمة التوفيق وبالرفاه والبنين.
