كشف الفنان أحمد مكي عن سبب غيابه لمدة سنة عن جمهوره موضحاً أن ذلك كان لاسباب صحية صعبة منعته أن يكون موجوداً على الساحة.
وقال عبر شبكات التواصل الاجتماعي: "اللي خلاني أعمل الصفحة دي إني لقيت كم ناس سألت عليا لما غبت السنة اللي فاتت وبيستفسروا أنا اختفيت فين، وكنت حابب أشكرهم على سؤالهم عليا لأنه فعلا فرق معايا نفسيا وكنت محتاجه قوي".
وتابع: "أنا كان بقالي سنه تقريبا عيان جداً، كان عندي "فيروس" ضربلي الكبد والطحال.. مكنتش حتى أقدر أشرب بق ميه بسبب الطحال، أول شهرين من المرض، عشان الكبد كان عملي خمول، كنت بأنام من 18 لـ20 ساعة في اليوم خسيت فوق الـ30 كيلو وكنت شبه فاقد للأمل".
وأضاف: "الحمد لله على كل حال، أنا دلوقتي خفيت تماما ووزني زاد تاني، واتعلمت كتير جدا في الرحلة دي، وكان فارق معايا جدا سؤالكم عني، حسّيت إن ليا أهل مش جمهور، وإني فرقت معاهم لما غبت، ربنا يفرح قلوبكم زي ما فرحتوا قلبي، واهلا بيكم في صفحتي".
