عايدت الممثلة ومقدمة البرامج ايميه صياح والدتها في عيد ميلادها وذلك عبر نشرها صورة لها ولوالدتها من حفل زفافها وأرفقتها بتعليق مؤثر حيث كتبت:"من أول ما فتحت عيوني عالدني وإنت حدي.
.وبعدني لهلأ، ما إلحق فتح عيوني الصبح، بتحسي فيي وبتكوني كتبتيلي أحلى Bonjour Am2ouma..الله لا يحرمني من عيونك ورواقك وحكمتك وريحتك وضحكتك..يا رب..يضل تلفوني يدق Mamita كل ساعة..وضل سوق فيكي وما تعجبك سواقتي..ضل احتار وما أعرف اشتري قطعة إذا ما كنتي معي..ونروح نجيب "غرض" ونرجع بكل شي إلا بهالغرض..وضل آكل أطيب Lasagna من إيديكي..وضل خبرك تفاصيل التفاصيل نحن وعم نشرب نسكافيه..وبيبقى الأهم..ضل اسمع شو بتشبهك أمك..بحبك Jako بحبك بحبك بحبك..عقبال الـ 100 سنة.. وكل ما إكبر صير أشبهك بعد أكتر..وإحلم صير قد ربعك".
وردت والدتها على ما نشرته ابنتها ايميه حيث علقت:
"يا حياتي يا مامي إنتي يخليلي ياكي مع أخوتك وضلك مضوايه ومشعشعه وشوف حالي فيكي وبكل ما عندك من عاطفه ومحبه واحترام لحالك ولغيرك".
إشارة إلى أن إيميه تشارك في مسلسل ثورة الفلاحين الذي يجري تصويره حالياً وهو من انتاج شركة ايغل فيلمز لصاحبها المنتج جمال سنان، ومن كتابة كلوديا مرشيليان ومن اخراج فيليب اسمر ويضم نخبة من الممثلين.
