كشف الممثل المصري أحمد زاهر عن سبب عدم تواجده في مهرجان القاهرة السينما.
وكتب زاهر عبر صفحته الخاصة على أحد مواقع التواصل الإجتماعي: "رغم استلامي الدعوه قبل المهرجان بتلت ايام ولكن اولا انا كان عندي تصوير في نفس اليوم في ديكوري و مفيش مشهد من غيري في استوديو المغربي وبيتهيالي تقدروا تتاكدوا من ده و حاولت اأجله معرفتش طب اعمل ايه و ثانيا بصراحه مش مقتنع أني أكون سعيد و لابس و متشيك و بضحك قدام الكاميرات و الناس عشان مهرجان بلدي وانا اصلا حزين ومتدمر عشان وفاه الفنان محمود عبدالعزيز و تاني يوم أكون في العزاء حزين و متاثر ايه التناقض ده انا معرفش أكون متناقض".
وأضاف زاهر: "يعني حتي لو مكانش عندي تصوير مكنتش قدرت اروح لاني مابعرفش أكون متناقض واكيد زملائي كان عندهم ظروف برضه لان اكيد نتمني جميعا الحضور و تدعيم مهرجان بلدنا وعلي فكره أنا مش بلوم اي حد من زمايلي اللي راحوا المهرجان مهو لازم ناس تروح و تدعم المهرجان و تكون عندها القدره علي انها تفصل و لكن انا بتكلم عن نفسي انا اللي مقدرش هي قدرات و للأسف القدره دي مش عندي و عموما الف مبروك لافتتاح مهرجان بلدي واتمني له كل النجاح و التوفيق و الازدهار"
