رغم وفاة والدتها وتقبلها التعازي الا أن الفنانة ماجدة الرومي أصرت على مشاركة عائلة الموسيقار الراحل ملحم بركات بحزنهم حيث توجهت للوقوف الى جانبهم وتعزيتهم بالأمس في كنيسة مار بطرس وبولس كفرشيما.
وكتبت الرومي عبر حسابها الخاص على أحد مواقع التواصل رسالة مؤثرة بمناسبة وفاة بركات جاء فيها التالي:
"من ماجدة الرومي الى ملحم بركات
مبارح،
من عَزا إمي للعَزا فيك ومن دير القرقفي كفرشيما لكنيسة مار بطرس وبولس كفرشيما
قطعت المسافة بضيعتنا الصغيرة وانا قلبي عم يعصرو الاسى وانا عم بسمع صوتك طالع من كل شارع وحي..
وصوتك نفسو نفسو يا ملحم يلي فرّحني العمر كلّو مبارح نفسو نفسو ما ترك بعينييّ دمعة وحدة إبْكِيها.
وهيي نفسها نفسها شوارع كفرشيما يا ملحم يلي تمشّينا عليها بضيعتنا صغار وزهّرتلنا صغار وضحكتلنا صغار وهديتنا كل ربيع وكل أمل هيي نفسها نفسها مبارح شفتها خريف حزين مستعد يرمي كل وراقو ويبكي معنا ويكتب معنا ع صفحة تشرين الاول .
