كتب الملحن اللبناني زياد بطرس عن ذكرياته مع الحرب التي عاشها كل لبناني قبل سنوات.
وكتب زياد عبر صفحته على أحد مواقع التواصل الإجتماعي: "انا بالحرب اللبنانية ما حملت سلاح، انا بالحرب اللبنانية عشت بالملجأ كرمال يلي معتبرين انو لبنان الن وحدن، انا بالحرب اللبنانية كنت عم شوف وحوش عم تقاتل بعضها لأسباب طائفية أو سلطوية أو مرات لأسباب هني مش عارفين شو هيي".
وتابع: "خلصت الحرب اللبنانية؟ أكيد لأ، لأنو يلي كان عم يقاتل بالحرب اللبنانية صار مسؤول بالدوائر العقارية، أو صار مدير بالضمانات الإجتماعية، أو شرطي عم يلعب بـ تلفونو ومولّع سيجارة عالإشارات الضوئية، أو صار نائب بهالدولة المهتريّة، أو وزير ما بيعرف يفك حروف الأبجدية ومعيّش العالم بالزبالة ومربّحهن جميلة إنو عم يتعب تيلاقيلن حل لهل قضيّة الجوهرية، أو أو أو... وأنا رح ضل عم بحلم، بركي شي مرّة بحقّلي عيش عيشة انسان ببلد خفّت فيه كل معالم الإنسانية".
