بعد الشائعات التي صدرت حول تخليها عن صديقتها الفنانة زينة، قررت الفنانة شذى وضع حد لتلك الشائعات، حيث أوضحت موقفها من تلك القضية عبر صفحتها الخاصة على أحد مواقع التواصل الإجتماعي.
وعلقت شذى قائلة " توضيح لموضوع كنت عايزه اتكلم فيه من زمان جدا، وكنت مستنية شغلي ينزل علشان ميتفهمش اني بعمل show على حساب صاحبتي، اللي بعتبرها أكتر من أختي وعمري ما هانسى ليها وقفتها جنبي وقت وفاة أمي وأبويا، انا عمري ما كنت في صف أحمد عز، وعمري ماكنت طرف محايد، يمكن كنت لما بتسأل برد بإجابات مختصرة علشان الموضوع كان في إيد القضاء، وعلشان مش زينة اللي أطلع على حساب مشكلتها، وأعمل تصريحات صحفية أبروز بيها نفسي.. خالص.. اكيد كنت في طرف زينة لأن اكيد في داخلياتً بحكم قربي من زينة اعرفها عنهم، وكان نفسي زينة تاخد حق أولادها، وكنت اتمنى إن "عز" من أول يوم يكون واضح ويحل الموضوع من غير اللي حصل ده كله، لأن في طفلين ملهومش أي ذنب، فمستحيل كنت اكون موافقة على موقف "عز" والهرتلة اللي حصلت، لاني بنت، وسواء اللي بيشوف الكلام ده اختلف أو اتفق معايا فيه بس مش مقبول ان راجل يستقوى على ست، لأن معروف ان الراجل هو اللي بيكون أعقل خصوصا لو كان كمان أكبر في السن من الست، و كان ممكن هو من الاول ميوصلش الدنيا لكده وكان في 100 حل ممكن يحصل بدل العند اللي على حساب طفلين".
وتابعت شذى " انا بس حبيت اوضح موقفي علشان في ناس كتير بترغي اني وقفت ساكتة، وحاجات كده أحب أقولوهم صلي على النبي في قلبكوا علشان دي مش بس صاحبتي، دي اختي".
