عبّر المخرج كميل طانيوس عن سعادته بالجائزة التي حصل عليها في حفل مهرجان BIAF، الذي أُقيم يوم الخميس الماضي في الزيتونة باي بيروت.
ونشر طانيوس عبر صفحته الخاصة على احد مواقع التواصل الإجتماعي، صورة له أثناء تسلمه الجائزة، وعلّق: كنت حابب إستلم جايزتي ورا الكاميرا... هونيك بعيد عن الأضواء، قدرت أعمل نجاحات عالشاشات وبالكليبات إستاهل فيها أوقف اليوم بالضو، وإستلم جايزة بتعنيلي... بتعنيلي لأنا من Biaf . وعشاشة لونت إيامي بالنجاحات، شاشة كبرت فيها وتعلمت وتقدمت، وبحمل فضلا لآخر يوم بحياتي...Mtv وميشال المر شكراً لأنو خليتو المشهد الإعلامي بلبنان والعالم العربي مختلف، وسمحتوا للوجوه الي حتى ما بتطل عالشاشة إنا تلمع وتنجّم... بيروت، الأحلى بعيوني وبكامرتي، شكراً إنك بعدك حاضنة الإبداع ورائدة بمجال الصورة... انشالله إيامك الجايي تكون أحلى... للفريق الي بكل عناصرو بيعمل النجاحات... ميات الأسماء الي اشتغلنا سوا... مارح سمّي تما إنسى حدا... هيدي الجايزة لكل واحد منكن... لأهلي الي سهروا وتعذبوا وصلوا، بعرف الليلة قديش فخورين فيي، وأنا فخور بكل لحظة إني بحمل إسمكن على هويتي... لزوجتي، ماريال شريكة النجاحات واللحظات الحلوة والصعبة... شكرًا لبناتي لين و ليف... إنتو الوحي وكل شي بحياتي... وأخيراً، أنا ما بآمن بالحظ، بآمن بالصلا وبالموهبة... شكراً لالله اللي رافقني، ولليوم ولا لحظة تركني... شكراً biaf، واللجنة، وميشال ضاهر".
