تضامن الفنان رامي جمال مع الفنان تامر حسني، بعد ان تم تسريب ألبومه الجديد "عمري إبتدا" وذلك عبر صفحته الخاصة على أحد مواقع التواصل الإجتماعي.
وعلق جمال قائلاً "اكتر شىء محبط ومؤذd ومتعب لأي فنان أو أي إنسان عادي حتى أنه يشوف مجهوده وتعبه وإنتاجه وإخلاصه موضع استهتار واستخفاف وإهمال والأصعب أنه يكون من ناس قريبة منه والمفروض إنها أمينة على شغله ومجهوده، الضربة اللي مبتموتش بتقوى وخصوصًا لما اللى يأخذ الضربة أصلا قوي".
وتابع جمال "اللي حصل مع صديقي واخويا "تامر حسني" من استهتار في التعامل مع شغله ونتج عنه تسريب الألبوم قبل ميعاده موضوع محتاج وقفة كبيرة وإعادة ترتيب أولويات وحسابات، بس فى الآخر نحمد ربنا على اللى حصل وتامر أقوى من الهزة دى".
وأضاف "اللى نقدر كلنا نعمله أننا ندعم فيديوهات الأغاني من على قناة تامر حسني الرسمية لحين طباعة الألبوم ونزوله فى السوق وأرجو من الجميع وخصوصًا اللى بيحبوني أو متابعيني أنهم يشتروا السي دي الأصلي فور نزوله، وده دعم لفنانك المفضل عشان يقدر يستمر فى أنه يقدملك المنتج اللى بتحبه".
