كشف الإعلامي محمود سعد عن عدم رغبته بالعودة إلى تقديم برنامج تلفزيوني وذلك من خلال رسالة وجهها عبر صفحته على موقع التواصل الإجتماعي جاء فيها :
"أنا فى الوضع اللي أنا فيه ده مش مبسوط لكني مستريح.. أنتوا شايفين الشاشة عاملة إزاي والدنيا عاملة إزاي.. أنا مش هعلق أنا قعدت ليه ورحت فين وجيت منين، فهذه أمور أنتوا تقدروا تستنتجوها زي ما أنتوا عايزين..إنما أنا بكلمكم أنتوا (بس).
أنا مش عايز أطلع في التلفزيون، ومش حابب أطلع في أي حتة، ويمكن بعضكم يفهم إيه المغزى من الكلام، لكن أنا مش هتكلم خالص واللي حصل حصل.. أنا عملت تجربة عملت فيها كل المجهود اللي أقدر أعمله وبعدين أنتوا أديتوني حب كبير جدًا جدًا و أنا بشكركوا».
نرجع ممكن.. منرجعش إحتمال كبير.. لكن الدنيا اتطورت وفيه وسيلة للتواصل حتى ولو بالقلوب حتى لو تفتكروني و تقولوا الراجل ده يعني.. كان مش بطال.. يعني كان (من ضمن) أحسن الوحشين.. كويس".
محمود سعد قدم برنامج "آخر النهار" عبر قناة "النهار" لأكثر من عام، قبل أن يتوقف عن تقديم البرنامج مطلع هذا العام .
