أطلقت The Spot حملة عبر مواقع التواصل الاجتماعي، تهدف الى جمع الأمهات مع أولادهنّ المغتربين يوم عيد الأم المقبل، وذلك من خلال إطلاق هاشتاغ #shta2tellikmom، طالبة من الشباب المغترب أن يرسل "فيديو سيلفي" لوالدته يعبّر فيه عن مدى حبه واشتياقه لها.
وذكرت The Spot أن صاحب الفيديو الأكثر إبداعا سوف يحصل على هدية مميزة، هي عبارة عن رحلة مجانية الى لبنان كي يحتفل مع والدته يوم عيد الأم.
وفي هذا الإطار، عبّرت الممثلة جوي كرم عن دعمها لهذه المبادرة، ووجّهت نداء الى الشباب اللبناني المغترب طالبة منهم ألا ينسوا أكثر من أحبّهم، أي والدتهم، مشجّعة إياهن على المشاركة بالحملة وإرسال فيديو سيلفي الى والداتهم .
ودعمت كرم الحملة أيضا عبر نشر صورة على صفحتها الخاصة على موقع التواصل الإجتماعي، تظهر فيها يدها مع يد طفلها، وأرفقتها بالرسالة المؤثرة الآتية التي وجّهتها الى أولادها :
"إذا أنا و حاضنِتكُن...بشتقلكُن. و لمّا تكون إيدي بإيدكُن بخاف من بُكرا. بكرا لما تكبرو و تستقِلّوا... و تسلخكُن الإستقلاليّة من عيوني و حِضني و قلب كان و بعدو حاملكن غامركن ومدفّاكن إنتو و نايمين...عم تكبرو و هالتخت اللي هوّي قلبي، بالغرام كبير وسع المدى، بس بالحجم هوّي هوّي... بَطَّلِت كتير مُريحة النّومي عليه....
نِمتوا عقلبي سنين...ليوم صِرتوا تناموا حدّي...و بكرا، ما رح فكّر ببُكرا...المهم الله يعطيكن عمر طويل.
بتْضَوّوا عيونكُن، بتشرُق شَمسي...
بتِناموا، بِغلُق عيوني...نصّ نايمة.و بالنصّ التاني بيبقى السّمع مركّز عنَفَسكُن إذا منتظم، و عالغَطا إذا تكشّفتوا، جاهزة يبلّش نهاري لمّا تقرّروا تبلّشوا نهاركن.
إنتوا قدّامي و عقلبي و بين إيديّي و إجري عإجركُن و بِشتقلكُن....بشتقلكن كلّ الوقت.وًولا مرّة رتَويت.لأنّكن كلّ شي.لأنكن أنا.واللي بيَعطي لوجودي معنى و لَنبض قلبي سبب..هوّي إنتوا.
هيدا نقطة بأَزل...مش كلّ إم فيا تعبّر عن اللي بقلبا.لأنو الكلام بيعجز.بس يا ولاد هالعالم...شباب و صبايا، ما تنسوا إمّاتكن...ما تنسوا إنكن السبب لوجودن و تضحياتن و إنّكن كلّ فرحُن و دِنيِتُن...
نعيّد كلنا سوى معنى الأمومة بعيد الأم...واللي بعيد بالمسافة يِتحدّى المسافة و يْقِلّا عطريقتو إنّو بِحِبّا كلّ يوم و إذا مش كلّ يوم و لَنّو بهالنهار!!! #shta2tellikmom" .
