بعد أن أعرب الممثل أحمد عز عن غضبه الشديد بعد رفض الإستئناف الذي تقدم به، لرفض نسب توأم الممثلة زينة، وبعدما حسمت المحكمة القضية بإثبات نسب التوأم له، حرص عز على توجيه رسالة لجمهوره ومحبيه عبر صفحته الخاصة على أحد مواقع التواصل الإجتماعي يؤكد فيها رفضه للحكم القضائي الصادر أمس الأربعاء.
وكتب عز :"مساء الفل يا عيلتي وأهلي كتير سألوا عليّا إمبارح، وأنا بطمنكم أنا الحمدلله كويّس وزى الفل، وراضي باللي ربنا كاتبهولي كله، وأنا كمان مش بس راضي أنا سعيد بالابتلاء اللي أنا فيه عشان واثق في ربنا وفي نصره عاجلا أم آجلاً".
وأضاف :"إن اللي أنا فيه ده ما هو إلا رفع درجات بإذن الله، طبعاً أنا لا أعلق على أحكام القضاء، ومش هطلع أعمل دوشة ولا أتكلم، علشان سايب حقي على ربنا العادل الحق، اللي بقولهولكم دلوقتى هو نفسه اللي بقولي من أول يوم في القضية، وأقسم بالله العلي العظيم إني متجوزتهاش ولا رسمي ولا عرفي ولا شفهي ولا ثانية، وإن شالله يكون معاها 100 حكم و100 شهادة ميلاد برضو مش ولادي".
وكان قد تم رفض الإستئناف المقدم من عز على حكم محكمة الأسرة بإثبات نسب توأمه، أمس الأربعاء، وكتبت زينة عبر صفحتها الخاصة على أحد مواقع التواصل الإجتماعي بعد رفض الإستئناف: "كله يقول مبروك الحمد لله الحمد لله الحمد لله الحمد لله.. كسبنا الحمد لله".
