تعرضت الممثلة راندا البحيري لهجوم عنيف من قبل بعض الأشخاص، عقب نشرها لصورة على صفحتها الخاصة على أحد مواقع التواصل الإجتماعي الى جانب بعض الأطفال في الشارع، وعلقت عليها قائلة " أطفال الشوارع في التجمع الخامس النهاردة، قضيت معاهم وقت حلو أوي، بس اتعرفت على كام حد منهم وحبيتهم لدرجة إني مخنوقة أوي إني مش هشوفهم تاني، كريم ونسمة ومحمد هتوحشوني".
فرفض بعض المتابعين كلمة "أطفال الشوارع"، وتهجموا على البحيري، وفي تعليق لأحدهم "ملهاش لازمه كلمة أطفال الشوارع دي قولي أطفال محتاجين رعاية أي حاجه مش الكلمة دي".
وفي تعليق آخر " وصفك ليهم وصف بيدل على مدى عنصريتك "اطفال الشوارع"فرحانة اوي وبتتصوري سيلفي؟؟! ياريت نحترم وصف ضحايا المجتمع الفاشل".
فردت البحيري معلقة "فكرت كتير أوي قبل ما أرد عليكم، وبصراحة مكنتش ناوية أرد من كتر ما كومنتاتكم بالنسبة لي مستفزة، ومش عاجبني أصلا ارد عليها، لكن قررت أصفي قلبي وأرد عليكم، يمكن حد غيركم يستفيد من النقاش، هل انتوا شايفين أي كلمة أو وصف للأطفال الغلابة دول غير أطفال الشوارع؟ مش هم أطفال شوارع عايشين نايمين صاحيين واكلين شاربين في الشارع؟ هما فعلا كدة، ليه مصرين تدفنوا دماغكم في الرملة ومتواجهوش الحقيقة وتحاولوا تجملوها".
وتابعت: "ولا هي الحقيقة بتكون قاسية عليكم وبتفكركم بتقصيركم تجاههم فبتحاولوا تزينوا الحقيقة دي علشان متتعبوش نفسيا؟؟؟"،لا ياسادة. هم فعلا اطفال شوارع. واللي مش عاجبه ينزل يلمهم من الشارع. ويقف جنبهم. ولو بسيلفي زي الاستاذ الفاضل ما قال. ونَصّب نفسه إله دخل في نوايا البشر ونوايايا وعرف الاستاذ اني اتصورت معاهم سيلفي وجريت".، تخيل كده ومقتنع معرفش على أساس انه كان معانا مثلا؟؟؟..والله عالم غريب مينفعش الواحد يركز معاه علشان ميتعبش".
