مش حنسكت بعد اليوم ...طلعت ريحتكم كتير...متل جثة ميت عفنت و أكلها الدود من انعدام الضمير... خلص يوم دفنكم صار بفضل ثورة الشعب اللبناني كتير قريب... بس نحن منفصل حرقكم انتو و طيبيين لان تراب الارض بيرفض يحضن ناس عروّ شعبهم من ابسط حقوقو حرقو دمو و ما فكرو للحظة يرحموه و شوي من يلي سرقوه منو يعطوه .. شلتو الاسلاك و حطيطو باطون مع الحديد...... مش شي غريب عليكم.... ما انتو من زمان شلتو الضمير و حطيتو محلو الغدر بالشعب اللبناني المسكين... مفكرين الحجر حيحجب صوت الشعب يلي قوي عليكم و مصمم على التغيير... لا الحديد و لا الحجر حيحميكم ... نحن صوت الضمير و الحق يلي صار وقت يقلعكم من كراسيكم و يجيب ناس عندها ضمير.... صار وقت حسابكم يا حكام الظلم و دكتاتوريين القرن الواحد و عشرين.... ما بتلبق الثورة الا ل اللبنانيين... نحن يلي وقفنا بوجّ حروب و ضلينا صامدين... مش حنخاف من ناس اسمهم اشباه الرجال و معدومين الضمير... أشباه رجال طول عمرهم ما بيتفقو الا على الشعب اللبناني و مش حقول المسكين... لا نحن بطلنا نسكت و نقول شعبنا مسكين... نحن الدم الجديد نحن المستقبل يلي حينور بوجودنا و اصرارنا... اجى الوقت نحن التغيير و نحن حنرجع صورة لبنان يلي الاستاذ وديع الصافي قال عنو قطعة سما على الارض .... نحن الجيل الجديد نحن لبنان الجديد نحن الشعب اللبناني العظيم..طلعت ريحتكم و نحن بثورتنا حنعطر بريحة الزهر لبنان من جديد و نخلصو من أشباه رجال بلا ضمير .