في تصريح خاص لموقع الفن انتقد الفنان شادي فرح الفنانة نايا التي تتعرض لهجوم كبير بعد اهانتها الدين المسيحي وقال فرح: "بماذا فكرت ولماذا فعلت هذا الشيء الوضيع بالذات؟
صارت الديانات السماوية مكسر عصا لكل يللي بدو الشهرة ؟ شو كنتي عم تفكري لما عملتي علامة الصليب بهذه الطريقة المهينة؟"
ويضيف فرح: "أكيد مهينة ليس فقط للمسيحيين بل للتعايش المسيحي الاسلامي الذي تربينا عليه وللمحبة التي تربينا عليها، شو هالحقد الدفين يللي فيكي؟ نحن نعيش ببلد تعايش، مصيرنا واحد اسلام ومسيحيين وهمومنا واحدة ونحن احباب والمصائب تجمعنا.
.اذا فكرك رح يصير في بلبلة عالكليب غلطانة كل الناس عم ينتقدوكي ومجتمعين على انتقادك".
ويتابع فرح :"ليش مناظر الدماء بالكليب ما بكفي الدم الداعشي اللي عم يزرع الحقد بكل العالم؟ ما رسالتك من الكليب؟ انا اطلب من النيابة العامة التحرك، ولا انت ولا الاكبر منك ممكن يلغي هالعلامة، عبر الازمنة مهما اضطهدت بقيت لانها رمز للمحبة، يا عيب الشوم عليكِ .. مش كل واحد عندو موال براسو بغني بهالطريقة".
