أصدرت ملكة جمال العرب وسفيرة النوايا الحسنة نادين فهد أغنية بعنوان "رسالة إلى العالم"، تكلمت فيها عن الأحداث الأخيرة التي يمر بها اللاجئون السوريون خصوصاً بعد تعرض معظمهم للغرق والرفض من قبل حكومات بعض الدول، وتقول كلمات الأغنية:
تعال يا ابني قبل ما نحنا نموت..تآخدك بحضني و نفل بسكوت
تعال خلينا نسافر..من هالوطن خلينا نهاجر
ما بدنا بحياتنا نغامر..و بكل بساطة نموت
تعال خلينا نهرب عمطرح نلاقي فيه الحب
لشو نحنا نتعذب و كل العالم مبسوط
نسيو إنو الموت قدر..نسيو إنو الموت محتوم
و من القدر مافي مفر..و للسفر ما في لزوم
و السفر فيهم غدر.. استعجل عموتن و ماصبر
غرقو ماتو بالبحر.. يا بحر شو فيك هموم
و البشر وين البشر..مات ضميرا و انقبر
يارب ألهمنا الصبر..نحنا شعب مظلوم
تعال يا خيي قبل ما كلنا نموت
نحمي بلدنا سويي و ارجع ع بيتك فوت
خلينا ما بدنا نسافر هالبلد ما بدنا نغادر
خلينا ما بدنا نهاجر..سوا بنعمر البيوت
خلينا ما بدنا نهرب..ببلدنا رح بنلاقي الحب
كيف بدنا نحنا نتغرب.. و وطننا عمبيموت
كتبت نادين فهد كلمات هذه الأغنية التي قامت فيما بعد بتعديلها قليلا حتى تتناسب مع اللحن و التوزيع الذي قام به الملحن حسام حمدي و قد قامت نادين بترجمتها الى اللغة الانجليزية، لتصل إلى العالم أجمع، على أن تطرحها باللغة الإنجليزية قريبا. وقد نشرت ملكة جمال العرب مقطعا من الأغنية على صفحتها الخاصة على فيس بوك و علقت قائلة: "رسالة إلى العالم " بتمنى هالرسالة توصل، و الأهم أنها تأثر، و الأكثر أهمية انه يكون فيه ردة فعل إيجابية تجاه الإنسانية"
جدير بالذكر أن هذه ثاني أغنية تقوم سفيرة العطاء بإهدائها لوطنها سورية، حيث قامت بغناء "بفتخر اني سورية" من قبل، والتي كانت من كلماتها و ألحانها أيضا، ويبدو أن فهد ملتزمة بما عبرت عنه في معظم مقابلاتها عندما كانت تقول سأستخدم صوتي و موهبتي في الكتابة و التلحين لخدمة القضايا الإنسانية و تسليط الضوء عليها ، فالعالم في الوقت الراهن يحتاج إلى إنسانيين أكثر من حاجته إلى الفنانين.
