عبر حسابها الخاص على موقع التواصل الإجتماعي روت الفنانة السورية أصالة لمتابعيها ما حصل معها في المغرب وجعلها تتفاجأ وتبكي، وكتبت التالي:
"هلأ برَّه أوروبا وأمريكا عندهم مذيعين فوق السبعين مركزين وسعدا وروح رائعه وعنا لو المذيع ضل لامع ولو للخمسين بنكون نسفناه ليموت حينها يتبع".
"وقال نحنا عاطفيين ونقدر الإنسان والإنسانيه والله لما بشوف برَّه شو بيعملوا بقول ياريت ياخدوا مكاننا جوه ونطلع نحنا برّه لأنه نحنا مفكرين"
"إننا الحضاره والتاريخ والأصاله وهنن بره مضطرين يكافحوا ليصنعوا التاريخ اللي عملوه جدودنا من تريليون سنه وصرنا عايشين عالقشور ومابين السطور"
" فنرى من بعضنا ماليس لنا ومالم يُخلق بنا فنحكم على القشور ولاتعنينا بواطن الأمور ونحب التغيير ونملُّ التأمل وهكذا تسري الأمور إلى أن ......"
"كل هالحكي الفاضي اللي كتبته لما شفت هون بالمغرب مذيع أجنبي عمره بلا مبالغه تمانين ماشاءالله وجايه قال يومين بس لأنه راجع على برنامجه اللي صرله بيعمله أكتر من أربعين سنه وأنا رغم إني يادوب بفهم ربع الكلام وطبعاً أكيد بتعرفوا شو عملت؟ بكيت وبكيت والناس فكرتني زعلانه على كبرته"
"وأنه ياحرام شو هلكان والحقيقه أنه بيستحقوا كبارنا يبقوا عّم يشتغلوا لأنه مو نحنا بنقرر إيمتى نحط الناس على طريق الوداع ليمشوا باقي الطريق
بروح قبل مايموت الجسد ماتت .. وأنا اليوم أطالب بالوفاء للأحياء فلطالما العقل باق فهو أقيم كلما المرء كبر وكلما كان القلب دافئ كلما الحب حلا".
"وكلما كانت الروح باقيه كلما الروح ارتقت فلنكسب قربهم منّا ودعمنا وإيماننا بقدراتهم لنرى كبارنا يحققون ذاتهم طالما خطواتهم مازالت قادره وبس".
