خبر رحيل الممثل عصام بريدي صدم الجميع لاسيما زملاؤه الفنانون والممثلون والاعلاميون الذين ودعوا عصام بكلمات مؤثرة ومبكية.
موقع الفن يرصد بعض تلك الكلمات.
وليد توفيق: افجعني خبر وفاة الممثل اللبناني الموهوب #عصام_بريدي في حادث سير
الله يرحمه
الى متى سنظل نفقد شبابنا بحوادث السير؟
نزار فرنسيس: شو صار حتى خلْصت الإيام؟/
وْمن قبل ترما انطفيت الشمعة../
الموت قاسي سرَق منّا عصام../
وْتْشردقو الضحكات بالدمعة../
نيكول سابا: عصام بريدي.. الله يرحمك وتكون روحك بالسما..ويصبّر اهلك.. خبر محزن عالصبح
سارة الهاني: يا رب دخيلك استيقظت على ابشع خبر ، الله يرحم شبابك يا عصام بريدي ويصبرك يا وسام ويصبر اهلكن ... مش قادره عبر اكثر !!!
يوسف الخال: رحل الصديق و الأخ ... ولك آآآخ يا عصام هالنهار شو بشع ... شتّت السما دموعنا عليك ... سبقتنا بكّير... سلام".
إيميه صياح: دخيلك يا رب على هالخبرية.. المسيح قام حقا قام..
الله يصبر أهلك وخيك يا عصام.. وكل محبينك..
كارين سلامة: شو هالدني السخيفة...دخيل اسمك يا رب...عصام رحت بكير...الله يرحمك.
طارق سويد: و نحن منفكر ببكرا و بعدو و منعتل هم و منزعل و منفكر و منفكر و منكبر الأمور.. و منحلم ببكرا و منخطط و منقرر..و ...و بيطلع يمكن ما في بكرا...
ريما كركي: في ضحكات ما بياخدها الموت،وفي ارواح قريبة من الناس،ما بيقدر شي ياخد تأثيرها
نادين نسيب نجيم: وعيت على أبشع خبر وفاتك يا عصام قتلني وكسرني من يومين حطيت صورتنا سوا وكتبتلي كلمة حلوة و كأنك عم تودعني الله يرحمك وتكون روحك بالسما ".
إليسا: My thoughts and prayers are with you wissam and your family. May your brother rest in peace
ورد الخال: قبل مبارح كانت آخر مرة شفتك..بس مااحكينا وضحكنا متل العادة..ضحكتلي من بعيد انت وفالل مستعجل..مالحقت اضحكلك!
لوين يا عصام؟! عمهلك والله بكير!
ماغي بو غصن: "كتير بكير يا عصام ... الدني رح تشتاق لروحك الحلوة ... الله يرحمك".
هلا المر: ما أصعب هالخبر وشو صعب نصدّق.. الله يرحمك عصام بريدي
زين العمر: بكيّر يا صديقي ..صباح العيد حزين بخسارتك عصام
الله يصب