حبيبي و اااااه شو شتئتلك.
...
التلج بكل مطرح و غطى بجمالو دروبك...
يا نيالو فستان العروس بس لبستو أرزاتك...
يا ريتني حبات الشتي لَ بوِس و أُغمر ترابك...
قلبي و نبضاتو أديش بيشبه جنون موجاتك...
عيوني سرقت لون خضارها من جبالك...
روحي أخدت صفاها من ينابيعك و شلالاتك..
أسراري و حبي إلك أكتر من عمق وديانك...
صليبك و هِلالك سوى طول العمر حيضلو ليرفعو بالعالي إسمك ...و ترفع إنت من حبهم إلك صلاتك ....
فنانين برسمك فِشلو .. لو قد ما رسمو مش حيعطوك
حقك..قبال هيبتك و جمالك هن حيضلو تلاميذ بحضرتك ...
بالغلط لو حدا صوره اخدلك ، حتطلع آيه جمال و تزيدك مجد فوق مجدك ...
سموك سويسرا الشرق و مره بقطعة سما شبهوك....
بس هنِّ لو بشوفو الجنة حيعرفو أديه غلطو و حيقولو" غلطنا طلعت الجنة قطعة من لبــنــــــــان ....
