ردت الممثلة السورية هبة نور على الصورة القديمة التي انتشرت مؤخراً وتبدو مختلفة جداً عن شكلها الحالي، واثارت موجة من الانتقادات ضدها، وقالت نور: "يعني أنا بالعادة في كلام ما لو طعم ما بحب أعمللوا قيمة بس ها لمرة جاي على بالي دردش شوي".
وأضافت نور: "أول شي في ناس هلكوني انو شو مخبصة بحالك وشوً مساوية بأنفك وشو وشو وشووو!!! على فكرة أنا مثلي مثل باقي البنات بحب اهتم بحالي وبطريقتي وبعتمد على ستايلي ولون الشعر و شوية اهتمامات بسيطة تانية والموضة إلى حد ما… لما وقت قرر بدّي اعمل انفي أكيد ما راح أخاف لانو التجميل ما عليه حكم بالإعدام ورب العالمين ما حرمو فمن مين بدّي أخاف من البشر؟!".
وتابعت: "وتاني شي ما ضل موقع عربي إلا ونزلوا أخبار هبه نور قبل التجميل وعلى صور بتخصني وصور ما بتخصني بظن أي بنت فينا بتتغير على مدار السنين على فكرة مابدها القصة إلا شوية اهتمام ونظام غذائي والاهتمام بالموضة إلى حد ما ... بظن هاد الشي كافي لنكون مبسوطين واثقين بحالنا اكتر … بس ملاحظة مهمة (اللي مالو قديم مالو جديد )"؟.
وجتمت نور كلامها بالتالي: "بالنهاية بتجميل وبدون تجميل أنا برأيي الجمال هو جمال الروح والأخلاق بطيبة القلب وحب الله وحب الناس والبعد عن الكره والحسد والثقة بالنفس شكرًا وآسفة عالإطاله".