ردا على ما نشرناه عن موضوع إيقاف قيادة الجيش للمسلسل الذي كان من المنوي تقديمه عبر شاشة الـotv للكاتب والممثل ومقدم البرامج طارق سويد قال طارق: " مش صحيح إنو إدارة الجيش اللبناني بلغتني إنن مش بحاجة حدن يحكي عنن بمسلسل لو إيجابياً ، هيدي خبرية ما الا إساس من الصحة.
.ببساطة كل ما في الأمر و بحسب اللواء قانصو، إنن هالفترة أخدين قرار يكونوا بعاد حتى عن تنفيذ الأغاني المصورة الخاصة بالجيش وأسباب تانية بحتفظ فيا لنفسي....بكل الأحوال هالشي أبداً ما بخفف من محبتي لكل عنصر بالجيش اللبناني، طبعاً كنت بحب وجهلن تحية تقدير عطريقتي الخاصة، و أكيد تعبت أشهر طويلة أنا و عم بكتب، و أكيد بزعل لأن بعد في عنا ممنوعات بالدراما اللبنانية ولهل سبب رح تبقوا عم بتابعوا مسلسلات عبارة عن حبا و حبتو و خانتو و حبلت من جدو و ورتت ورتة سيدة غنية وكانت فقيرة و صارت باللوج أحوالا، وهالسخافات. لأن كل ما نقرب للواقع و ندق فيه، كل ما نلاقي عراقيل و ممنوعات للأسف بلبنان بلد الحريات، إذا مصرين تسموه بلد الحريات....
طارق سويد".
