أعلن الفنان المصري سعد الصغير، وفاة عازف الأورغ المصري بلال جعفر، وكتب الصغير على صفحته الخاصة عبر موقع التواصل الإجتماعي: "البقاء لله أخويا المحترم عازف الأورج بلال، إلى رحمة الله.
ده اللي كنت بقول لإخواتي الفنانين وكل حد من العازفين يشوفوا الراجل كان محتاج ناس كلها جنبه، بس دلوقتي بقى عند ربنا ومفيش أحسن منه. ياريت الناس تبقى على العِشرة واللي كان ما بينكم في يوم من الأيام".
وأضاف: "أهو راجل راح وكان عايز الكل يبقى معاه، ربنا يرحمك يا بلال، ربنا يرحمك يا حبيبي. بلال كنت لسه معاه من كام يوم وكان فرحان جدًا إني كنت معاه، وأنا مبسوط إني كنت معاك يا بلال، وأول ما كلمتني أنا مقدرش أتأخر عنك. صاحب صاحبك في كل شيء مش في المصلحة، وعلشان كده مش هطول عليكم، بس ياريت نعرف إنها مش دايمًا، واللي معاك النهارده بكرة مش موجود. ربنا يديمها علينا جميعًا صحة والبركة والخير كله".
ويُقام يوم غد الجمعة عزاء بلال جعفر، عقب صلاة العصر، بدار مناسبات الإسكان الصناعي في شبرا الخيمة، بالقرب من كوبري أحمد عراب.
