ردت الممثلة المصرية نشوى مصطفى على كلام الممثلة المصرية ميار الببلاوي، التي قالت عنها إنها الشخص الذي خذلها وخانها في الوسط الفني.
وقالت نشوى مصطفى: "ميار الببلاوي خانها التعبير، هما سألوها مين اللي خانك من أصدقائك قالتلهم نشوى مصطفى، أنا وميار زملاء في مهنة واحدة بس مش أصدقاء، يشرفني طبعاً بس الصداقة ليها مقومات مش عندنا، مش بنزور بعض، وآخر مرة إشتغلنا مع بعض يمكن من 20 سنة".
وأضافت نشوى مصطفى: "سألوها خانتك إزاي؟ قالت كان جايلي عريس وكان مصرّ إني إتحجب وأبعد عن المجال الفني، فأنا سألت نشوى وقالتلي آه طبعاً إتحجبي وإعملي أسرة وبيت، إحنا لو بطلنا تمثيل هنتنسي، لكن الأسرة ووجود أطفال في حياتك دا الأساس. المذيعة سألتها هي خذلتك في إيه؟ قالتلها عشان هي متحجبتش وسابتني أتحجب".
وتابعت نشوى مصطفى خلال لقائها في برنامج "أسرار النجوم" الذي تقدمه الإعلامية المصرية إنجي علي: "إدعيلي يا ميار ربنا يكرمني زي ما كرمك وربنا يهدي الجميع ويهديني، الحجاب دا فرض ورزق وربنا يقدرنا كلنا ونعمل اللي ربنا أمرنا بيه، وأنا بدعي ربنا إني ماموتش غير وهو راضي عني وأكون عامله كل الحاجات الكويسة".
