قالت الممثلة المصرية نجلاء بدر: "أقوى حاجة بالنسبة لي لو صحيت الصبح لقيت زوجي متجوز عليا، دي هتبقى كارثة ونهار أسود.
دايماً بقوله لو عاوز تتجوز طلقني وإتجوز، إنت حر، لكن متخدعنيش، وإسألني، لو وافقت يبقى في زوجة تانية في حياتي، ولو موافقتش سيبني أمشي".
وأضافت: "مفكرتش هقبل بزوجة تانية ولا لأ، لأني بخاف أحرم الشرع، وممكن أبقى بحب زوجي، بس أنا مش بخاف وهو عاوز يتجوز والشرع محلل ليه ده".
وتابعت نجلاء بدر: "لو أصبحت قعيدة وعجوزة وهو مهتم بيا، بس عاوز يشوف حياته، هحبسه يعني؟، لو عرض عليا دلوقتي هرفض، لأني لسه كاملة، مفيش حاجة ناقصاني، وممكن أوافق لو في حاجة ناقصاني".
وختمت قائلة: "هطلب الطلاق لو صحيت لقيته إتجوز عليا، لأنه ضحك عليا، والقانون بيديني الحق ده".
كلام نجلاء بدر جاء خلال حلولها ضيفة على برنامج "في السر" الذي يقدمه الإعلامي المصري هشام السيوفي.
