تحدثت الممثلة المصرية داليا البحيري عن خضوعها لعملية تجميل في الوجه، وقالت: "رحت لدكتور البشرة بتاعي وقولتله إني خاسه وتحت عيني مضايقني، قلت هيقولي ناخد شوية بوتوكس، بس قالي مش بتفكري تعملي شد الوش، هو مش هيعملي العملية هو كان بينصحني لأنه ملوش مصلحة إني أعمل العملية، بعدها رحت لدكتور تاني وقررت إني مش هعمل العملية".
وأضافت داليا البحيري: "بعدها رحت اتكلمت مع الدكتور تاني وأقنعني، كلمت جوزي وقالي إعملي استخارة، عملت استخارة ولقيت نفسي ماشية في إجراءات العملية. أنا مش مع أي عملية تجميل تغير شكل البني آدم، أنا قلت للدكتور مش عايزة اتغير عايزة أفضل داليا بس نرجع شوية بالوقت، وأنا سعيدة بشكلي".
وختمت قائلة: "كان في حاجات مضايقاني في وشي واتحسنت ودا مريحني، أنا سعيدة بالعملية وأنصح أي ست متضايقة من أي حاجة في شكلها تظبطها بس براحة".
كلام داليا البحيري جاء خلال حلولها ضيفة على برنامج "من ماسبيرو" الذي تقدمه الإعلامية المصرية مريم أمين.
