طرحت الفنانة اللبنانية نيكول سابا أحدث أعمالها الغنائية بعنوان "تلج تلج"، وهي أغنية تحمل طابعًا ميلاديًا دافئًا، تدعو إلى الحب، التفاؤل، ولمّ الشمل، وتعكس أجواء الأعياد بروح إنسانية مليئة بالأمل والفرح.
الأغنية جاءت بكلمات بسيطة ومؤثرة تحتفي بالأحلام، والقدرة على النهوض من جديد، وأهمية العائلة والتكاتف في زمن الأعياد، حيث تكرّس فكرة أن العيد الحقيقي هو المشاركة والمودة وبياض القلوب.
وتقول كلمات الأغنية:
"لما تغمض عيونك وتحلم لكتير بعيد هيدا الميلاد
لما القدر يخونك وترجع توقف من جديد هيدا الميلاد
لما الفرحة بدونك ما بتكمل بها العيد هيدا الميلاد
هيدا هو العيد حب من لون جديد خلينا إيد بإيد
نغني سوا تلج تلج
لأعياد بتحلى لما تشتي تلج تلج
والناس قلوبا دفياني بالتلج تلج
خلي قلبك أبيض متل التلج تلج
جاي الحب بهليلة (٢)
لما نشبك إيدينا ونهتم بللي حوالينا هيدا الميلاد
لما العايلة تسهر على أمل لبكرا الأحلى هيدا الميلاد
نتشارك ذكريات بزمن الأعياد هيدا الميلاد
هيدا هو العيد حب من لون جديد خلينا إيد بإيد
نغني سوا تلج تلج
لأعياد بتحلى لما تشتي تلج تلج
والناس قلوبا دفياني بالتلج تلج
خلي قلبك أبيض متل التلج تلج
جاي الحب بهليلة (٢)".
"تلج تلج" كلمات وألحان وتوزيع موسيقي وتسجيل شارل شلالا، فيما تولّى يوسف الخال مهمة الميكس والماستر، لتخرج الأغنية بإحساس دافئ ينسجم مع أجواء الشتاء والميلاد، ويضيف عملًا جديدًا مميزًا إلى رصيد نيكول سابا الفني.
