خرجت الممثلة المصرية إلهام شاهين عن صمتها، بعد انتشار فيديو من إحدى ندوات مهرجان الجونة السينمائي، ظهرت فيه وهي تضحك إلى جانب الممثلة المصرية هالة صدقي خلال إلقاء الفنانة لبلبة كلمتها، ما دفع البعض لاتهامها بعدم احترام لحظة التكريم.
إلهام شاهين قررت توضيح تفاصيل الموقف وقالت: "الحوار اللي كان بيني وبين هالة مش المفروض أقول إحنا كنا بنقول إيه بس الحقيقة أنا بقولها أنا هموت عايزة أروح التواليت قالتلي بعيد وخلاص قربنا نخلص الندوة وهزرت وقالتلي أعمليها مكانك وخلاص وضحكنا وشاورت ليسرا يلا خلصوا الندوة عايزة أروح الحمام، هزار بين اتنين أصحاب لبلبة ملهاش دخل بيها تماما".
وتابعت إلهام شاهين قائلةً: "لبلبة حبيبتي وصاحبتي وإحنا عشرة عمر مع بعض وهي عارفة هي إيه بالنسبة ليا هي صديقة غالية جدا والمسألة متخصهاش تماما إحنا بنتكلم في موضوع تاني خالص وهالة دايما بتقول قفشات تضحك وضحكنا الموضوع كوميدي جدا هي بتهزر بتقولي اعمليها مكانك مش هنعرف نقوم لأن لو قومنا اللي هيقولولنا تعالوا صوروا ويوقفونا في الطريق والتواليت بعيد وأنا فعلا مش قادرة وبقول ليسرا يالا عشان نقوم مرة واحدة".
وكان قد تداول رواد مواقع التواصل الاجتماعي مقطع الفيديو الذي بدت فيه إلهام شاهين وكأنها تلمّح إلى أن كلمة لبلبة طالت أكثر من اللازم، من خلال إيماءة بيدها، بينما ظهرت هالة صدقي وهي تضحك إلى جانبها، ما فسّره البعض على أنه تصرّف غير موفق.
