تحدث الإعلامي المصري باسم يوسف عن تأثير شهرته على زوجته، مشيرًا إلى أن الشهرة كان لها أثر سلبي على حياتها، إلا أنه أعرب عن رضاه الكامل عن مسيرته المهنية، قائلاً: "لو رجع بيا الزمن، مش هغير حاجة. أنا راضي باللي وصلت له، الحمد لله. هل كل شيء مثالي؟ لا، لكن برضه مش عايز أغير أي حاجة".
وحول علاقته بالجمهور المصري وتغير نظرة البعض إليه، أوضح قائلاً: "ما أقدرش أحدد إذا كان الناس لسه بيحبوني ولا بيعتبروني مجرد رمز من الماضي. الجمهور مش كيان واحد، ومينفعش أعرف رأي كل شخص. اللي بقدمه هو منتج، وكل مرة الناس بتقييمه بشكل تلقائي: ده عاجبهم أو لأ".
واعترف يوسف بأن زوجته تحملت الكثير بسبب شهرته قائلاً: "هالة شافت كتير واتعذبت معايا، والشهرة جابت ليها وجع دماغ كبير، احنا اتجوزنا قبل الثورة بشهرين، ومن أول يناير 2011 كل حاجة اتغيّرت، الشخص اللي عرفته عاش معاها شهرين، أنا اتشهرت وحققت نجاح لكن هي ما شافتش إلا قلق وشد أعصاب وخوف. وأنا عاوز استغل الفرصة وأقولها: آسف على المقلب اللي شربتيه".
حديث باسم يوسف جاء في لقاء مع الإعلامي أحمد سالم.