أطلت الممثلة المصرية أسما شريف منير على محبيها، ونشرت صورة جديدة لها على حسابها الخاص على موقع التواصل الإجتماعي، وكتبت: "شوفت بعيني جوزي وهو بيحس إنه لازم يحميني، بيتقلب قلبه لو راجل بصلي بنظرة مش كويسة، بيحس إنه لازم يصد عني أي أذى. وكبرت وأنا بسمع أبويا بيحكيلي إزاي أصون جسمي، إزاي كأب ممكن يضحي بنفسه علشان يحافظ عليا. طب لو دي مشاعر جوزي وأبويا… أمال ربنا، اللي خلقني وبيحبني أضعافهم كلهم، هيعمل إيه علشان يحميني من شياطين الإنس والجن؟"
وأضاف: "ربنا ببساطة قاللي: غطي نفسك. مش علشان يخنقني ولا يضيق عليا، بالعكس… علشان يكرّمني، يصون قلبي قبل جسمي، ويحميني من نظرات ممكن تجرحني أو تكسّرني. الحجاب مش قيد، الحجاب أمان.
الحجاب مش منع، الحجاب ستر وكرامة.هو ده حب ربنا…
حب بيحميني من اللي مش شايفين قيمتي".