شارك الفنان المصري تامر حسني متابعيه على صفحته الخاصة على موقع التواصل الإجتماعي، رسالة ملهمة تحمل طابع التحفيز الذاتي والتغلب على العقبات.
وكتب تامر حسني: "حبايبي اللي بيفكروا حالاً، دي رسالة ليكم، قضبان سجن أفكارك السلبية هي من صنعك إنت، محدش حابسك والله، إنت اللي حابس نفسك، مجرد ما هتبطل تفكر بشكل يائس هتقع كل القضبان وهتخرج من سجنك وهتنجح وهتحقق كل اللي نفسك فيه وأكتر. أقسم بالله قبل ما أنجح ياما كنت بسمع جملة: إنت مستحيل تنجح، صوتك مش هيوصل، مفيكش مواصفات النجم، بالإضافة للفقر المادي القارص والتفكك الأسري من سن ٧ سنين، يعني إحباط من كل الجوانب، بس كنت مبيأسش ولا بسمع الكلام المُحبط، بالعكس كان بيحمسني أكتر ويزيدني عناد للوصول. خليكم كده وقوموا اتحركوا وإسعوا، الحياة مش بتحب ولا هتضحك للمستسلم،، ولو مش عاجبك مكانك في الدنيا!! غيره!! إنت مش تمثال".
استخدم تامر حسني هذه الرسالة لتذكير متابعيه بأن التحديات والصعوبات، يمكن تحويلها إلى قوة دافعة للنجاح، وأن الاستسلام ليس خيارًا مطلقًا في رحلة الحياة.
