عبر الشاعر مصطفى حدوتة عن سعادته البالغة بوصول أغنية "أنا - أنت"، التي كتبها للفنان المصري محمد رمضان، إلى المرحلة الأولى من ترشيحات جوائز الـ"غرامي" 2025، خصوصاً بعد غياب ترشيح الأعمال المصرية لهذه الجائزة منذ حوالى العشرين عاماً.
ونشر حدوتة عبر حسابه الرسمي منشوراً قال فيه: "بعد تجارب وشغل كتير بدأ من أول أغنية (ثابت) اللي ليها معايا حكاية خاصة لأنها اتسجلت يوم فرحي ونزلت أول يوم جوازي عشان أمضي عقودها، وبعد أغاني كتير منهم "خمسة كل خميس" و "أنا البلد" و"رقم واحد يا أنصاص" لحد "إيه يا قلبي" و "أنا أنت" كانت رحلة ممتعة وتجارب رائعة".
وأضاف: "ولكن أنا كنت تعبان نفسيًا جدًا وأنا شغال مع محمد رمضان إني محققتش أكبر رقم معاه وده بيسببلي إزعاج كبير جدًا .. ولكن السنة دي حققت معاه حاجه أحلى وأهم الحمد لله إن أغنية (أنا - أنت) اترشحت للجائزة الأكبر للموسيقى في العالم وهي جائزة (الجرامي)".
وتابع حدوتة: "وللعلم الجائزة دي ماترشحش ليها فنان مصري من 20 سنة ولم يفز بها إلا فنان مصري وحيد وهو الموسيقار (فتحي سلامة) وده حدث تاريخي بالنسبة لي وبالنسبالنا كمصريين".
كما وجه مصطفى حدوتة الشكر لكل الصناع الذي تعاون معهم في الأغاني التي جمعته مع النجم محمد رمضان، وخص بالذكر صناع أغنية "أنا - أنت" بشكر الفنان محمد رمضان ع ثقته الكبيرة فيا وبشكر كل اللي تعاونوا معايا ومعاه في كل أغانينا وأخص بالشكر بصناع (أنا - أنت) وهما أخواتي كولبيكس ومصطفى تاج ، بالتوفيق والنجاح للجميع.
