نشرت الممثلة اللبنانية كارمن لبس، مقطع فيديو بأسلوب الكليب، وجّهت فيه كلمات مؤثرة للفنان الراحل زياد الرحباني، تضمن مجموعة من الصور النادرة التي جمعتهما، إلى جانب رسائل مكتوبة بخط اليد، تبادلاها خلال فترة علاقتهما العاطفية التي استمرت 15 عامًا.
ظهرت كارمن في الفيديو بعدسة المخرج عبادة شعراني، وقالت بتأثر: "بتعرف شو يعني تعيش بوهم إنك سكّرت صفحة حبك الأول، لتكتشف فجأة إنو الصفحة بعدها مفتوحة وجروحاتها بعدا موجوعة؟ صرلي سنين عم قول إني تجاوزت، بس بنفس الوقت كنت عم إسأل: 'ليه؟'… آخر 'ليه' كانت 'ليه ما بدك تشوفني؟' عرفت بعدين، وبعد ما فات الأوان، إنك ما كنت بدك تشوفني بهالحالة، أو يمكن ما كنت بدك شوفك هيك".
وتابعت قائلة: "اشتقتلك… وعرفت إنك اشتقتلي، بس ما قلتلي. قالولي إنك كنت تسأل عني، بس يا ريت سمعت هالكلام منك. قلتلك بغيابك البلد صار فاضي، بس لما رحلت، حسّيت أنا اللي فرغت، وكل شي حواليي صار معلّق".
وختمت رسالتها بكلمات صادقة ومؤثرة: "في أسئلة ما لقيت جواب، وفي ذكريات ما حدا قادر يمحيها. كنت إهرب من سيرتك، مش لأن ما بدي أتذكرك، بس لأني بخاف إحسّ إنك كنت أحلى شي بحياتي. كل شارع، كل زاوية، كل مكان… بيذكّرني فيك. حبيتك، وبعدني بحبك، وبعدها كل جملة بتنتهي فيك".
